這篇文我是頗喜歡的.到最後的結局頗感人的..
我看到哭了.但是這篇文有18+.
如果大家不想看就不看那些情節吧..
-----------------------------------------------------------------
ｃｈ　１
**** 本內容跟帖回復才可瀏覽 *****

**** 本內容跟帖回復才可浏览 *****

第一喔~~~~十卜~~~~紫梦

ｃｈ　２

鬼鬼睇住鏡裹面既人。
因為長期冇曬過太陽，接近病態既蒼白，一雙瞳孔黑到深不見底既無神眼睛，
高高既鼻，好細既淡粉紅櫻唇，延伸到頸上既紅紫傷痕。
但係如果可以走出炎亞綸既身邊，咁既樣佢寧願唔要。
「就係你，搞到我淪落到咁既地步......」鬼鬼指住鏡裹面既女仔，自言自語咁講。
「喀喀喀」
「小姐，你既校服已經準備好。」女傭邊講邊行入黎。
睇到鬼鬼全身既傷痕，只係即刻低頭，放低野就走。
係既，的下人都已經見慣。反正佢都冇咩所謂。


「鬼鬼？你既病已經好返啦？快的過黎坐...」Ｍｉｓｓ好討咁對我揮揮手，
哼...乜有人病到成身吻痕咁返學架咩？鬼鬼目無表情咁冷笑左一下。
鬼鬼就讀係英貴中學，入得黎讀非富則貴，其實都唔係一間學校，只係比的少爺小姐玩既另一個場地，
Ｍｉｓｓ，丫ｓｉｒ都只係陪襯品，或者工人。
「Ｍｉｓｓ！我好餓呀！幫我囉的野食上黎！」
「係...呢位同學你等陣...其實今日有一個轉校生入黎讀...」ｍｉｓｓ話未完就係門口跳左一個人出黎。
「ｈｉ...大家好！我叫邱勝翊！」一個成頭染成金色，高大既男人，自己自我介紹起黎。
佢比鬼鬼既第一個感覺就係，成身都有一種令人移唔開眼既陽光氣息。
係一個黑暗中生存左好耐既人，係最渴望見到陽光，呢個男人身上有小泣渴望既野。


係大家係到討論緊期假去左邊到旅行，買左的咩既時候，
鬼鬼就安安靜靜咁坐係窗口位，望住一望無際既大花園同泳池，果然係用錢砌出黎既。
「ｈｉ...我叫邱勝翊！你叫我勝翊丫！你叫咩名？」一個好陽光既笑容係我面前。
「.........」鬼鬼望左佢一眼，然後再擰轉望返風景。
「喂！你叫咩名呀？」
鬼鬼依然扮聽唔到，計續睇我既風景。
的雀仔真係好，可以係藍天到飛黎飛去，一定好自由，好快樂。
「的雀仔真係靚，睇佢地好似好自由咁！」個男仔又同我一齊望風景。
「點靚都好....都會比人捉左去....」呢句都係對鬼鬼同自己講。
「就算比人捉左！走出黎咪得囉！」個男仔又係鬼鬼面前，露出佢排白雪雪既牙同兩個好深既酒窩。
「走....？走到咩？」鬼鬼又何嘗未試過，只不過又比人捉左返黎，仲得到左唔少教訓，的教訓仲記憶猶新。
「當然！只要想走！只要唔放棄「走」呢個夢想，一定會成功！」個男仔見到鬼鬼應返佢，笑容更深。
「死都唔驚....？」可惜鬼鬼接受果的教訓比死更難受。
「如果死左....都係走既一種！至少唔洗留係個雀籠到，死都係自由既一種。」
「....你叫咩名？」
「我叫邱勝翊！你可以叫我勝翊！」佢好似怕鬼鬼唔記得左咁，每一字都講得清清楚楚。
「我叫....鬼鬼....」

續*

thanks

ｃｈ　３

「哈...睇我帶的咩黎！」邱勝翊係佢個袋到係咁搵，終於拎左盒野出黎。
一個透明既膠盒，入面有六粒金黃色既球狀物體，上面鋪左一行沙律醬同一行燒烤汁。｛嘻嘻！大家估到係咩黎未＾３＾！｝
「咩黎架？」好香既氣味！
「嘻嘻......章魚丸！」佢好開心咁望住鬼鬼，好似一個狗仔係主人面前獻寶咁。
「姐係咩...？」鬼鬼真係未見過。
「呀？你連咁好食既章魚丸都未食過？！」佢既笑容即刻變成愕然。
「嗯....」鬼鬼只係知咩叫章魚刺身。
「唔好講咁多！你試下就知！」佢拮起一個鋪左沙律醬既比鬼鬼。
鬼鬼伸手囉住，輕輕咁咬左咬。
「好食....」鬼鬼從來未食過咁好食既小食。
「係呢！」佢自己拮左一個燒烤汁既黎食。
「嘻....」鬼鬼襯佢一個唔為意！成盒搶左佢去。
「喂！鼻反我丫！｛比返我呀｝」邱勝翊口裹面塞左一粒章魚丸，講野都唔清。
「哈哈哈哈.......」我睇佢咁狼狽既樣，忍唔住笑左出黎。
邱勝翊睇到笑果時呆左一下，跟住就成臉到紅晒。
鬼鬼好冇良心咁笑得更開心。
係呢一刻，我終於明白快樂既意思。


「喀喀喀」
「入黎。」
炎亞綸抬起頭，一副狂野英俊既樣注視住黎既人，係金絲眼鏡下露出佢尖銳既目光。
「少爺，我係黎報告鬼鬼小姐既學校生活情況，最近佢係學校識左個男仔，
玩得好理......」炎家專用既私家偵探邊流汗，邊報告。
炎亞綸既氣勢太逼人，根本唔符合佢本身既年齡。
炎亞綸聽完之後，原本尖銳既目光變得更危險，令到望住佢既私家偵探流汗流得更勁。
其實鬼鬼既外表出眾，近乎公仔既完美外表，都自然吸引左唔少既狂風浪牒，
只係炎亞綸一直係果的人掂到鬼鬼之前就已經解決晒，貪錢既用錢，或者用拒絕合作既理由黎警告佢地既父母。
其實只要係有錢人或有收集情報既人都知道鬼鬼係炎亞綸既「專屬情人」，
大家都相當懼怕溫家既大勢力，所以暗地裹都警告自己既仔女，唔好鬼鬼有咩來往。
由此可見，炎亞綸對鬼鬼真係用盡心機同精力。
「名。」炎亞綸平淡既表情黎唔出佢既心情，只係講出黎既暗啞聲音稍微咁透露出佢嬲，仲要係好嬲。
「下？.....係！佢叫邱勝翊。」
「查。」邱勝翊？邱家既人？點解我未聽過？炎亞綸皺皺眉。
「係既，我先退下。炎家專用既私人偵聽到之後鬆左一口氣，幾乎係用跑既速度行出去。
「鬼鬼....你想我對你，你先會安心....」當然，除左放佢走。由「果一刻」開始，炎亞綸就已經發誓，唔會再比鬼鬼走。
炎亞綸捽下個眉心，佢個頭又開始痛。
炎亞綸又諗起之前既往事。


「亞綸哥哥！我要做你既新娘！」
「亞綸哥哥！你以後只可以要鬼鬼一個喔！講大話會比老鼠咬架！」鬼鬼揚起佢純真既美容，左邊既酒窩好靚。
幾耐冇見佢笑過。
「亞綸.....你當我係的咩？.....」
「亞綸....我個心臟個位置好痛.....你知嘛？.....」
「亞綸....你明明知道我心意....你明明知....」
又有幾耐冇聽見佢主動同佢講野。

最後一次對佢笑果時，
鬼鬼坐左係浴缸邊，左手傷口，紅得黑色既血不斷，不斷咁湧出黎，滿地血紅，形成一個詭異既畫面。
但係鬼鬼笑得好靚，好靚。好似用盡緊佢一世既笑容，去換呢一刻。
係佢地長大左咁耐以黎，對佢笑最靚最自然既笑容。
「炎亞綸.....我祈求我下一世，再下一世，生生世世，都唔會再見到你.....都唔會再愛你.....」
居然同佢講番咁既說話。


諗返之前的野，炎亞綸個頭痛得更西利。
其實炎亞綸唔鍾意做愛，尤其係佢知道鬼鬼每次做都會喊到眼腫。
但係冇辦法，佢知道鬼鬼只會係果個時候，叫佢個名，亞綸。
係，佢自私，佢自私到為左聽鬼鬼叫佢個名而令到鬼鬼喊。
佢基本上都唔係一個深情既人，甚至可以話係冷血。
但係偏偏佢對鬼鬼，佢用盡佢一世既感情，用盡佢既誓言，去愛住鬼鬼，去鍚住鬼鬼。
佢亦都唔知點同鬼鬼表達對佢既愛，只好一次又一次咁暴力既性愛下令佢屈服。
好愛佢，好愛佢。呢句野炎亞綸從來都只係敢係心入面講。
因為佢知如果講左出黎，鬼鬼只會不屑咁講句「我唔愛你。」
四個字，就已經足夠摧毀炎亞綸既所有理智。
佢對任何事都可以冷靜，偏偏對鬼鬼佢就會失去自我。
愛人，幾時可以愛得冷靜。
愛人，又有咩人可以愛到理性。

續*

good!!

ｃｈ　４

我傻笑咁囉住今日勝翊買比我既鯛魚燒，一邊食一邊睇大營幕。
自從同佢識之後，佢每日都會帶唔同既野比我食，令我大飽口福，
佢同又我講佢去過台灣，日本旅行果的搞笑野，同以前返學唔同，我依家真係好鐘意返學，
每日既每個朝早我都期待返學既時間。至於果個人，我已經成個幾星期冇見過佢。
不過佢唔返仲好，雖然間屋都依然大到空空蕩蕩，但係我至少放心。
「喀嚓」
「鬼鬼，我返黎，開心嘛？」
炎亞綸講得好溫柔，好溫柔。但係嘴角並冇笑容。
我依然扮聽唔到，計續睇我既電視。
「啪」
一個大文件夾扔左係我旁邊，我好好奇咁拎起佢，打開第一頁。
「邱勝翊，出生於１９ｘｘ年，係邱家既大少爺當年係出面生既仔，係ＸＸ孤兒院度過佢五年既時間，
由於邱家既大老爺過唔到自己既良心，終於係佢６歲果時接佢返邱家．．．．．」
一把仍然係溫柔既聲係我背後響出，但係已經失去平時既溫度。
「鬼鬼，係你既「好朋友」，係咪？」我感覺到我囉住文件夾不停咁震，部份係出於恐懼，部份係出於擔心。
冰冷既手掌撘上我顫動既肩頭。
我咬一咬唇，用力咁揮佢個隻手。企起身，同佢對望。
炎亞綸英俊既面容已經變到面無血色，握緊被揮開既手，面色更難睇。
「你搵人查佢？」炎亞綸，你唔好令我更加憎你。
「係。」炎亞綸無任何既狡辯。
「點解？」明明我都咁順從你，你仲要的咩？
「因為你係我既。」
「我唔屬於任何人！就算有！，一定唔會係你！！」我幾乎係用嗌既音量衝口而出。
炎亞綸郁左一郁個嘴角，但係並無冇講任何野。
辛苦維繫既平靜假象終於破裂。

**** 本內容跟帖回復才可瀏覽 *****

good!!

\\我想看\\

ｃｈ　５

接近黑色既深藍色天空，月亮稍微咁匿埋左係白雲裹面，月光若隱若現。
一隻手慢慢咁撫上鬼鬼滿面汗水既美麗面孔，輕微咁點左一下佢紅潤既嘴唇，
鬼鬼感覺到突如其來既溫熱觸摸，不滿咁皺左一下眉，又計續沉迷係夢境之中。
隻手既主人－炎亞綸輕手輕腳咁走落床，隨便汁起左散落係地上既衣物，將一件恤衫僅僅掛係身上，
連衫釦都冇扣，走過闊大既工作桌，順手囉起包煙，
就走左去裝修華麗既露台到坐，翹起修長既雙腳，囉出起一支印著金色字樣既煙，
用性感既薄唇叼住，的風輕輕咁吹過佢散落落黎既劉海，冷酷既面孔變得更加俊美。
男人若有所思咁望住天空，係恤衫胸口既袋裹面，囉出一個黑綱既既玫瑰花花紋火機，點煙，技巧純熟。
佢從來都唔習慣係鬼鬼面食煙，因為佢知道從好細個開始，鬼鬼一聞到的煙味就會咳到唔停。
細個....
「唉....」男人好細聱咁嘆左一口氣。
一直係男人既心目中，「往事」係一個禁忌，一個唔可以講既過去。
每當比人提起，埋藏係心裹面既傷口就有種比人活生生掲開既痛楚。

　　　　　　　　　　｛回憶．過去｝

鬼鬼原名唔叫鬼鬼，叫吳映潔，係炎亞綸既媽媽一時興起，「買」返黎，
所謂既「買」，就係有的人用唔同既方法，將的好靚既細佬仔，賣比的有錢人，
吳映潔係當時最貴既「商品」，當炎亞綸一見到佢，就已經好鐘意佢，
但係堂堂一個炎家大少爺點可以鐘意一個來歷不明既女仔呢，基於炎亞綸既自尊，
即使好鐘意，炎亞綸都未曾表露過佢既感情，一直對佢若即若離。
反而映潔一直都好鐘意炎亞綸，由佢一見到炎亞綸開始，就不斷纏住炎亞綸，完全唔在意炎亞綸既冷淡，
終於，炎亞綸比天真無邪的映潔深深吸引住，許下屬於佢地兩個人既誓言。
好景不常，隨住有意無意既親物行為，兩個人的關係終於曝光。
「啪！」炎老爺－溫世天一巴狠狠咁摑落佢個仔塊臉到。
「講！你係咪鐘意左個野女！」
「係，我鐘意佢。」炎亞綸面無表情咁講。
「你應該知道，呢的來歷不明既女仔，唔可以入炎家既門口一步，如果唔係當年你呀媽....」
「我　只　要　佢　。」炎亞綸聽到炎世天對映潔既抵毀之後，幾乎發抓，只係睇在炎世天係佢父親，
唯有強忍住怒氣，一字一詞講落去。
「哦？你唔好忘記炎家既話事人係我，如果你再敢佢有咩關係，哼！我唔擔保吳映潔呢個人，
第日會係的專服侍男人既俱樂部到出現，反正的我地炎家都養左佢咁多年，賣出去都應該。」
一陣沈寂之後。
「我明白啦。」炎亞綸優美既唇角已經被咬損左，一串深紅色既血慢慢滑落。
炎亞綸冇再講的咩，只係轉頭就走，佢知道，炎世天呢個男人雖然老，但係手段依然兇殘，
即使佢係炎家既繼承人，以依家既力量都唔可以將佢推翻，唯有選擇順從。
當然，關係到映潔既事，炎亞綸點會輕易屈服，從個次之後，炎亞綸不斷係股東面前，
展露出佢生意上既天份，令到各個股東都對佢敬佩萬分，只係，有的時間，佢必須同各種千金小姐約會，掩人耳目。
佢不斷容忍果的令人作嘔既香水味，一身名牌但係性格惡劣既「千金小姐」。
表面溫柔賢淑，內裹腐敗惡毒。
同佢地約會果時，佢會回想起映潔既種種。
佢既笑，佢既言語，佢既氣味，每一樣都令炎亞綸心動不已。
當然，炎亞綸「特出」既行為，點會暪得過映潔？
映潔每次見到炎亞綸身邊翹住身材美貌出眾既女人果時，痛不欲生。
甚至每望多一眼就會聽到心臟碎裂既聲音。
映潔並唔係的堅強壯烈既女仔，佢唔識去罵人，更加唔識去打人。
佢只會柔弱咁返入去佢果間大到嚇人既房間，偷偷抹去佢既眼淚。
然後喊到攰，先會慢慢咁訓著。

每一晚，炎亞綸都係企係映潔既房門前，去感受一下，佢最愛既人存在既氣息，
直到３，４點，先會返去佢自己間房，補充睡眠。
今夜，炎亞綸望住眼前道門，強忍住拍門既衝動，諗住轉頭走果時，
「嚓」道門開左，一個身著住純白色拖地既長裙既女仔，咁岩出黎，
望到炎亞綸仍舊英俊既面孔果時，嚇左一跳，
一雙紅腫既大眼睛，可憐又無助咁望坐炎亞綸，眼神充滿期待。
炎亞綸郁左郁嘴唇，但係冇講野，然後轉頭就走。
「亞綸.....你當我係的咩？.....」一把沙啞但係又猶如天使既優美聲音低聲咁響起。
背住女仔既炎亞綸都係冇講野，但係背影稍微郁左一下。
「亞綸....我個心臟個位置好痛.....你知嘛？.....」女仔細細聲咁講，夾雜左哽咽聲音。
「我唔知道你講的咩。」其實只要睇炎亞綸既正面，佢既表情同個女仔既表情差唔多。
只係女仔表情多左的絕望，而炎亞綸則係強忍，但係都係一樣咁，悲傷。
「亞綸....你明明知道我心意....你明明知....」聽到炎亞綸回答既女仔瘦削既身軀震左一下，女仔終於哭左出黎。
「我....」聽到喊聲既炎亞綸，幾乎想不惜一切咁回頭，去抱佢，去話比佢知，佢有幾愛佢。
好想同佢講，佢未曾忘記過佢地既誓言，好想係佢面前承諾，佢呢一世都唔放手，
好想話比佢知，如果係同佢既話，一世都未夠！
「鈴鈴....」一把聲唐突既鈴聲突然響起，炎亞綸囉起電話，禁通知鍵。
「嗯，我知道，我依家就去。」炎亞綸勉強控制住佢既聲線，收起電話，一步一步咁向前走。
女仔「噗」一聲咁跪左係柔軟既地毯到，禁住果個疼痛既胸口，晶瑩剔透既眼淚不斷向下趺。
明明係同一個人，點解一個令佢心動不已，一個令佢心力交瘁？
好攰，炎亞綸，我個心好攰。我唔想再愛你，我唔想再諗起你比我既心動，我都唔想憶起你比我既心痛，
既然我既感情係你比，就比你囉走晒佢，咁樣，你我都唔洗咁唔開心，至少，我可以光明正大咁望你，
至少，我可以下世再遇你，炎亞綸，你....會唔會為我喊？
女仔撐起虛弱既身軀，慢慢咁走入浴室。

續*

\\我想看\\